काठमाडौं – पछिल्लो २४ घण्टामा देशभर थप एक हजार ३८२ जनामा कोरोना भाइरसको संक्रमण पुष्टी भएको छ। यससँगै कुल संक्रमितको संख्या २ लाख ४३ हजार ३७७ पुगेको छ। देशभरका प्रयोगशालामा ८ हजार ९४७ नमुना परीक्षण गर्दा एक हजार ३८२ जनामा संक्रमण पुष्टि भएको हो।
स्वास्थ्य तथा जनसंख्या मन्त्रालयकाे अनुसार हाल सक्रिय संक्रमितको संख्या १२ हजार ६८६ रहेको छ। संक्रमितमध्ये काठमाडाैं उपत्यका तीन जील्लामा ५ सय ९४ जना रहेका छन्।
पछिल्लो २४ घण्टामा थप १ हजार ६२१ जना कोरोना संक्रमणमुक्त भएका छन्। योसँगै नेपालमा कोरोना संक्रमण भएर निको हुनेको संख्या २ लाख २९ हजार ५४ पुगेको छ।
त्यस्तै नेपालमा पछिल्लो २४ घण्टामा थप २३ जनाको कोरोना भाइरसको संक्रमणका कारण मृत्यु भएसँगै हालसम्म १ हजार ६३७ जनाले काेराेनाकाे कारण ज्यान गुमाएका छन्।
