च्याम्पियन्स लिग २०२० को समूह चरणका खेलहरु सकिएका छन्। समूह चरणका खेलहरु सकिएसँगै लिगको नक आउट चरणमा पुग्ने १६ टिमको टुङ्गो लागेको छ।
समूह एबाट बार्यन म्युनिख र एड्लेटिको मड्रिड, समूह बीबाट रियल मड्रिड र बोरुसिया मोन्चेनग्लाबाच, समूह सीबाट म्यानचेस्टर सिटी र पोर्टोले अन्तिम १६ मा स्थान बनाएका छन्।
त्यस्तै, समूह डीबाट लिभरपुल र एटलान्टा, समूह इबाट चेल्सी र सेभिल्ला, समूह एफबाट डर्टमण्ट र लाजियोले नक आउट चरणमा स्थान बनाएका छन्।
समूह जीबाट युभेन्टस र बार्सिलोना, समूह एचबाट पीएसजी र आरबी लेपजिग च्याम्पियन्स लिगको अन्तिम १६ मा पुगेका छन्। च्याम्पियन्स लिगको अन्तिम १६ को ड्र डिसेम्बर १४ मा सार्वजनिक हुनेछ।
