पछिल्लो २४ घण्टामा देशभर थप एक हजार २१७ जनामा कोरोना भाइरसको संक्रमण पुष्टी भएको छ। यससँगै कुल संक्रमितको संख्या २ लाख ४५ हजार ६५० पुगेको छ। देशभरका प्रयोगशालामा ७ हजार २३२ नमुना परीक्षण गर्दा एक हजार २१७ जनामा संक्रमण पुष्टि भएको हो।
स्वास्थ्य तथा जनसंख्या मन्त्रालयकाे अनुसार हाल सक्रिय संक्रमितको संख्या १२ हजार ३८६ रहेको छ। संक्रमितमध्ये काठमाडौंका ३ सय २८, भक्तपुरमा २५ र ललितपुरमा ५१ जना रहेका छन्।
पछिल्लो २४ घण्टामा थप १ हजार ६४ जना कोरोना संक्रमणमुक्त भएका छन्। योसँगै नेपालमा कोरोना संक्रमण भएर निको हुनेको संख्या २ लाख ३१ हजार ६०१ पुगेको छ।
त्यस्तै नेपालमा पछिल्लो २४ घण्टामा थप १२ जनाको कोरोना भाइरसको संक्रमणका कारण मृत्यु भएसँगै हालसम्म १ हजार ६६३ जनाले काेराेनाकाे कारण ज्यान गुमाएका छन्।
