राष्ट्रिय प्रजातन्त्र पार्टीका नेता तथा सांसद राजेन्द्र लिङ्देनको स्वास्थ्यमा समस्या देखिएको छ। श्वासप्रश्वासमा समस्या देखिएपछि बिहान बिर्तामोडको विएण्डसी अस्पताल भर्ना भएका उनलाई थप उपचारका लागि काठमाडौं ल्याइने भएको छ।
सेनाको हेलिकप्टरमा काठमाडौं उनलाई ल्याइने छ। विएण्डसी अस्पताल स्रोतका अनुसार लिङ्देनलाई निमोनिया भएको छ। उनलाई अस्पतालमा अक्सिजन दिएर राखिएको छ।
बुधबार गरिएको कोरोना परीक्षणमा उनको रिपोर्ट नेगेटिभ देखिएको छ। लक्षण कोरोना भाइरस संक्रमणसँग मिल्ने भएपनि संक्रमण नदेखिएको बताइएको छ।
