प्रहरी नायव महानिरीक्षक (डिआइजी) बाट प्रहरी अतिरिक्त महानिरीक्षक (एआइजी) मा बढुवा भएका विश्वराज पोखरेल दर्ज्यानी चिन्हद्वारा सुशोभित भएका छन्।
प्रहरी प्रधान कार्यालयमा शुक्रबार आयोजित समारोहमा प्रहरी महानिरीक्षक शैलेश थापा क्षेत्रीले एआइजीको दर्ज्यानी चिन्ह (फूली) पोखरेललाई प्रदान गरेका हुन्।
मन्त्रिपरिषदले बिहीबार पोखरेललाई एआइजीमा बढुवा गर्ने निर्णय गरेको थियो। पोखरेलको पदस्थापना भइसकेको छ। उनलाई कार्य एवं अपराध अनुसन्धान विभागको जिम्मेवारी दिइएको छ।
