जनता समाजवादी पार्टी नेपालका केन्द्रीय सदस्य रेखा यादवद्वारा लिखित नेपाली भाषाको ‘आत्मजा’ (उपन्यास) र हिन्दी भाषाको ‘तुम बिन’ (कविता संग्रह) सार्वजनिक गरिएको छ।
काठमाडाैंमा आज आयोजित कार्यक्रममा जसपाका अध्यक्ष उपेन्द्र यादव, नेतृ हिसिला यमीलगायतले ती कृति सार्वजनिक गरे। सो अवसरमा अध्यक्ष यादवले समाजमा भएका घटना र परिवेश समेटिएकाले कृति पठनीय रहेको बताएका छन्।
वाङ्मय शताब्दी पुरुष सत्यमोहन जोशीले दुवै पुस्तक अति नै महत्वपूर्ण र समाजमा परिवर्तन ल्याउने खालको रहेको आफ्नो सन्देश पठाएका थिए। कृतिमा रचनाकार यादवले केही आफ्ना अनुभव र भावना तथा केही सामाजिक परिवेशका विषयलाई समावेश गरेका छन्।
