ललितपुरको ग्वार्कोचोकस्थित उज्ज्वल पेट्रोल पम्पमा आगलागी भएको छ। तेल बोक्ने ट्यांकरबाट आइतबार साँझ आगलागी शुरु भएको हो।
ना४ख ९७४ नम्बरको ट्यांकरबाट पेट्रोल पम्पमा तेल खन्याउने क्रममा अगाडिको भागमा आगो लागेको प्रहरीले उल्लेख गरेको छ।
पम्पका सञ्चालक रिकेश अवाले रहेको प्रहरीको भनाइ छ। ललितपुरका एसएसपी किरण बज्राचार्यका अनुसार आगलागीबाट पार्किङ गरेको ४ वटा मोटरसाइकल जलेका छन्।
साथै ट्यांकरमा पनि क्षति पुगेको छ। मानवीय क्षति नभएको प्रहरीको भनाइ छ। ललितपुर महानगरपालिकाको दमकल, पानी ट्याङ्कर लगायतको सहयोगमा आगो नियन्त्रणमा लिइएको छ।
