इंग्लिस प्रिमियर लिगमा बुधबार राति विभिन्न खेलहरु हुँदैछ। तीमध्ये शीर्षस्थानमा रहेको टोटनह्याम र दोस्रो स्थानमा रहेको लिभरपुलबीच कडा प्रतिस्पर्धा हुनेछ।
टोटनह्याम र लिभरपुलबीचको खेल राति १ः४५ बजे शुरु हुनेछ। खेल जित्ने टोलीले शीर्षस्थानमा ३ अंकको अग्रता बनाउने छ। उपाधि होडमा रहेका दुबै टोलीको उक्त खेल महत्वपूर्ण छ।
खेल लिभरपुलको घरेलु मैदानमा हुनेछ। घरमा शीर्षस्थानको टोटनह्यामलाई हराउँदै लिभरपुल शीर्षस्थानमा उक्लने दाउमा छ। उता, जारी सिजन राम्रो लयलाई निरन्तरता दिएको टोटनह्याम लिभरपुललाई स्तब्ध पार्दै शीर्षस्थानमा ३ अंकको अग्रता बनाउने दाउमा छ।
यी दुई टोलीको पछिल्लो २३ खेलको नतिजामा लिभरपुल १२ खेलमा विजयी भएको छ। टोटेनहमले ५ खेलमा जीत दर्ता गर्दा ६ खेल बराबरीमा सकिएको छ। पछिल्लो ६ खेलमा लिभरपुलले टोटेनहमसँग हार बेहोरेको छैन। जसमा ५ जित र १ बराबरीको नतिजा छ।
दुबै टोलीले समान १७ खेलमध्ये ७ खेलमा जीत, ४ खेलमा बराबरी र एक खेलमा हार बेहोरेका छन्। समान अंक २५ जोडे पनि गाले अन्तरमा अगाडि रहेको टोटनह्याम हाल शीर्षस्थानमा छ।
बुधबार राति प्रिमियर लिगमा आर्सनलले साउथह्याम्टनको सामना गर्दैछ। सो खेल राति ११ः४५ बजे शुरु हुनेछ। अर्को खेलमा लिड्स र न्युक्यासल भिड्नेछ। सो खेल पनि राति ११ः४५ बजे शुरु हुनेछ।
त्यस्तै, अन्य खेलमा राति ११ः४५ मा लेस्टरले एभर्टनको सामना गर्नेछ। १ः४५ मा फुलहम र ब्राइटनबीच प्रतिस्पर्धा हुनेछ। राति १ः४५ बजे वेस्ट ह्यामविरुद्ध क्रिस्टल प्यालेस मैदान उत्रिनेछ।
