वर्ष २०२० को फिफा ‘दी बेस्ट’को उपाधि पोल्याण्डका फरवार्ड रोबर्ट लेवान्डोस्कीले जितेका छन्। लेवान्डोस्कीले अर्जेन्टिनाका लियोनल मेसी र पोर्चुगलका क्रिस्टियानो रोनाल्डोलाई पछि पार्दै अवार्ड जितेका हुन्।
अवार्ड पाएपछि भर्चुअल मिटिङमा बोल्दै लेवान्डास्कीले मेसी र रोनाल्डो वर्षौंदेखि उत्कृष्ट खेलिरहेको बताएका छन्। ‘मेसी र रोनाल्डो वर्षौंदेखि उत्कृष्ट खेलिरहेका छन्,’ उनले भने, ‘अहिले म उनीहरुसँग काँधमा काँध मिलाइरहेको छु। यसको मतलव कडा मिहेनत गर्ने समय सकिएको भन्ने चाँहि हैन।’
उनले अवार्ड जिताउन बायर्न म्युनिखका सहकर्मीहरुले साथ दिएको बताएका छन्। ‘टिमका साथीहरुको साथबिना मैले यो अवार्ड पाउने थिइँन। उत्कृष्ट टिमकै कारण म अहिले यो अवस्थामा छु,’ उनले थपे, ‘म धेरै खुशी छु।’
