सत्तारुढ नेपाल कम्युनिष्ट पार्टी (नेकपा) का कार्यकारी अध्यक्ष पुष्पकमल दाहाल प्रचण्डले संवैधानिक परिषद्सम्बन्धी अध्यादेश फिर्ता नभए थप एक्सन लिने चेतावनी दिएका छन्।
प्रदेश १ का प्रचण्ड र वरिष्ठ नेता माधवकुमार नेपाल निकट नेताहरुको भेलालाई सम्बोधन गर्दै प्रचण्डले अध्यक्ष एवं प्रधानमन्त्री केपी शर्मा ओलीसँग अध्यादेश फिर्ता गर्ने बाहेक अर्को विकल्प नभएको हुँदा तत्काल अध्यादेश फिर्ता गर्न सुझाएका हुन्।
अध्यादेश फिर्ता गर्ने पार्टीको निर्णय भएकाले कार्यान्वयनमा ढिलाइ गर्न नहुने बताएका हुन्। असंवैधानिक र अराजनीतिक अध्यादेश फिर्ता गर्ने पार्टीको निर्णय भएकाले कार्यान्वयनमा ढिलाइ गर्न नहुने प्रचण्डको भनाई छ।
ओली पार्र्टी विभाजन गर्ने योजनाका साथ एकपछि अर्को कदम चालिरहेकाले अध्यादेश पनि ल्याइएको प्रचण्डले बताए। प्रचण्डले अब दुई अध्यक्ष भनेर पार्टी नचल्ने निष्कर्ष सुनाएको बैठकमा सहभागी एक नेताले बताए।
पेरिसडाडाँमा भएको भेलामा प्रदेश १ का प्रचण्ड र माधव नेपाल पक्षका जिल्ला अध्यक्ष, सचिव र राजधानीमा उपलब्ध केन्द्रीय सदस्यहरु सहभागी थिए।
