नेपाली राष्ट्रिय क्रिकेट टोलीका पूर्व कप्तान पारस खड्का टीम अबुधाबी टी–२० लिगमा पुनः अनुबन्धित भएका छन्। उनलाई टीम अबुधाबीले शुक्रबार नयाँ सिजनको लागि इमर्जिङ ट्यालेन्ट मेन्टरको भूमिकामा नियुक्त गरेको हो।
पारसले टि टेन लिगमा टिम आबूधाबीले आफूलाई दिएको नयाँ भूमिकाले उत्साहित रहेको बताएका छन्। गतवर्ष टिम आबूधाबीबाट पारसले खेलाडीको रुपमा खेलेका थिए।
‘टिम आबूधाबीले मलाई दिएको नयाँ भूमिका निर्वाह गर्न म उत्साहित छु। नेपाली क्रिकेट अन्तर्राष्ट्रिय स्तरमा वृद्धि हुने माध्यम बन्नेमा आशा छ। टिम आबूधाबीमा हाम्रा क्रिकेटरहरुलाई थप अवसर मिल्ने छ’ पारसले सामाजिक सञ्जालमा खुसी ब्यक्त गर्दै भनेका छन्। टि टेन लिग आगमी जनवरी २८ देखि फेब्रुअरी ६ सम्म चल्ने छ।
