सिरी ए क्लब युभेन्टसका स्ट्राइकर क्रिस्टियानो रोनाल्डोले आफ्नो पूर्वक्लब रियल मड्रिडका सहकर्मी मार्सेलो भिएरालाई युभेन्टसमा भित्र्याउन चाहेको बताएका छन्। रियल मड्रिडमा सँगै खेलेका सहकर्मी मार्सेलो युभेन्टस आएमा क्लबको खेल अझ उत्कृष्ट हुने विश्वास रोनाल्डोले व्यक्त गरेका छन्।
यससँगै रियल मड्रिडमा हुँदा उत्कृष्ट जोडीको रुपमा उदाएका उनीहरु फेरी एकै क्लबबाट खेल्ने सम्भावना बढेको छ। रोनाल्डो र मार्सेलो मिल्ने साथी हुन्।
खेल दौरान मैदानमा जति तालमेल मिल्थ्यो, मैदानबाहिर पनि उनीहरुको उत्तिकै तालमेल मिल्थ्यो। मार्सेलो र रोनाल्डोको जोडी फुटबलमा एकदमै रुचाइएको जोडी हो। उनीहरुका फ्यान पनि दुबैलाई सँगै खेलेको हेर्न चाहान्छन्।
जनवरीमा मार्सेलो १५ मिलियन युरोमा उपलब्ध हुनेछन्। अनुभवि खेलाडी मार्सेलोका लागि यो ठूलो रकम होइन। यदि युभेन्टसले मार्सेलोलाई भित्र्याएमा रोनाल्डो र मार्सेलोको पुनर्मिलन हुनेछ। मार्सेलोलाई भित्र्याउन इन्टर मिलान पनि इच्छुक रहेको बताइएको छ।
