इएफएल कपको क्वाटरफाइनलमा आर्सनल र म्यानचेस्टर सिटीबीच प्रतिस्पर्धा हुँदैछ। खेल नेपाली समयअनुसार मंगलबार राति १ः४५ बजे शुरु हुनेछ।
प्रि–क्वाटरफाइनलमा लिभरपुललाई पेनाल्टी सुटआउटमा पराजित गर्दै आर्सनलले क्वाटरफाइनलमा स्थान बनाएको थियो। त्यस्तै, प्रि–क्वाटरफाइनलमा बर्नेलीलाई ३–० गोलअन्तरले हराउँदै म्यानचेस्टर सिटीले अन्तिम ८ मा स्थान बनाएको थियो।
हाल इंग्लिस प्रिमियर लिगको आठौं स्थानमा रहेको म्यानचेस्टर सिटी र १५ औं स्थानमा रहेको आर्सनलबीचको खेल प्रतिस्पर्धात्मक हुने अपेक्षा गरिएको छ।
हाल क्यारबाओ कपको रुपमा चिनिने इएफएल कपमा हरेक वर्ष इंल्याण्डका घरेलु फुटबल टिमहरुबीच प्रतिस्पर्धा हुन्छ। सिटीले हालसम्म ८ पटक इएफएल कपको उपाधि उचालेको छ भने आर्सनलले २ पटक उपाधि जितेको छ।
