स्थानीय बजारमा पहेँलो धातुको मूल्य आज प्रतितोला १ सयले उकालो लागेको छ। प्रतितोला ९ सयले बुधबार ओरालो लागेको सुनको मूल्यमा आज झिनो सुधार भएको छ।
नेपाल सुनचाँदी व्यवसायी महासङ्घका अनुसार छापावाला सुन प्रतितोला ९४ हजार १ सयमा कारोवार हुने गरी मूल्य निर्धारण भएको छ। छापावाला सुन बुधबार प्रतितोला ९४ हजारमा कारोवार भएको थियो।
यस्तै तेजाबी सुन प्रतितोला ९३ हजार ६ सयमा कारोवार भएको छ। तेजाबी सुन बुधबार प्रतितोला ९३ हजार ५ सयमा कारोवार भएको थियो। चाँदी प्रतितोला एक हजार २८० मा कारोवार भएको छ।
बुधबार भने प्रतितोला एक हजार २६५ मा कारोवार भएको थियो। चाँदी बुधबारका तुलनामा आज प्रतितोला १५ ले वृद्धि भएको छ।
