नेपालमा पछिल्लो २४ घण्टामा थप ५ सय जनामा कोरोना भाइरसको संक्रमण पुष्टि भएको छ। यससँगै नेपालमा कूल संक्रमितको संख्या २ लाख ५७ हजार ७ सय पुगेको छ।
स्वास्थ्य तथा जनसंख्या मन्त्रालयका अनुसार हाल नेपालमा सक्रिय संक्रमितको संख्या ६ हजार ७ सय ४९ रहेको छ। त्यस्तै, पछिल्लो २४ घण्टामा थप ८ सय ४० जनाले कोरोना जितेका छन्। यससँगै कोरोनामुक्त हुने संख्या २ लाख ४९ हजार १३२ पुगेको छ।
थप ३ जनाको मृत्यु भएसँगै नेपालमा कोरोना संक्रमणबाट ज्यान गुमाउनेको संख्या १ हजार ८ सय १९ पुगेको छ। पछिल्लो २४ घण्टामा नेपालमा ५ हजार ४३४ जनाको पीसीआर परिक्षण गरिएको थियो।
