बलिउड सुपरस्टार सलमान खानले ५५औं जन्मोत्सव मनाउँदै छन्। बलिउडका सर्वाधिक ख्याती प्राप्त कलाकार सलमानको जन्मदिनका अवसरमा विश्वभरिका उनका फ्यानले पनि शुभकामना व्यक्त गरिरहेका छन्।
विइङ ह्युमन क्लोथिङ नेपालले पनि बलिउड सुपरस्टार सलमान खानको जन्मदिन भव्य रुपमा मनाउँदै छ।
सामाजिक अभियानमा निरन्तर लागिरहेका सलमान खानको ब्राण्ड ‘विइङ ह्युमन’को आधिकारिक बिक्रेता नव समृद्धि इन्टरप्राइजेजले विशेष कार्यक्रमको आयोजना गर्न लागेको हो।
सलमानको जन्मदिनका अवसरमा किङ्स लाउन्ज दरबारमार्गमा विशेष कार्यक्रम आयोजना गरिने विइङ ह्युमन क्लोथिङका निर्देशक सुरज केसीले बताएका छन्।
आइतबार साँझ साढे ६ बजे राति साढे ९ बजेसम्म आयोजना गरिने कार्यक्रममा नेपालको कलाक्षेत्र र सामाजिक क्षेत्रका अगुवाहरूको उपस्थिति रहने छ।
निर्देशक केसीले कार्यक्रम च्यारिटीको रुपमा गर्न लागिएको र यसबाट असहाय तथा अनाथ बालबालिकाको स्वास्थ्य र शिक्षामा सहयोग गरिने जानकारी दिएका छन्।
‘कलाकारिता क्षेत्रमार्फत् सामाजिक जागरणमा जोडिनु भएका सुपरस्टार सलमान खानको जन्मदिन हर्सोल्लासका साथ मनाइँदै छ, सबै कलाप्रेमीको उपस्थितिका लागि हाम्रो अपील छ,’ केसीले भने।
