संसद विघटनको विरोधमा प्रमुख विपक्षी नेपाली कांग्रेसले देशभर विरोध प्रदर्शन गरेको छ। कांग्रेसले सोमबार देशभरका १ सय ६५ वटै निर्वाचन क्षेत्रमा प्रदर्श शुरु गरेको हो।
संसद् विघटनविरुद्ध काठमाडौंमा पनि हरेक निर्वाचन क्षेत्रमा प्रदर्शन भइरहेको छ। भक्तपुरको थिमीमा हुने सभालाई कांग्रेस सभापति शेरबहादुर देउवा आफैंले सम्बोधन गर्ने कार्यक्रम छ।
काठमाडौं क्षेत्र नम्बर १ मा पनि नेपाली कांग्रेस कार्यकर्ताले नयाँ बानेश्वर क्षेत्रमा प्रदर्शन गरेका छन्। निर्वाचन क्षेत्र नम्बर १ बाट विजयी प्रकाशमान श्रेष्ठको कार्यालय विजुलीबजारबाट जुलुस निस्किएकाे थियो।
