अष्ट्रेलियामा जारी बिग बास लिग (बीबीएल) क्रिकेटमा नेपाली लेग स्पिनर सन्दीप लामिछाने आबद्ध होबार्ट हुरिकेन्सले ब्रिसबेन हिटविरूद्ध एक रनको रोमाञ्चक जीत हात पारेको छ।
जितका लागि होबार्टले दिएको १ सय ५० रनको लक्ष्य पछ्याएको ब्रिसबेनले २० ओभरमा ८ विकेट गुमाउँदै १ सय ४९ रन मात्र बनायो। ब्रिसबेनको लागि जेम्स बाज्लेले अविजित ४९ रन बनाउँदा लेविस ग्रेगोरीले २९ रनको योगदान दिए। होबार्टको बलिङमा रिले मेरेडिथले ३ विकेट, स्कट बोलाण्डले २ विकेट लिए।
त्यसअघि पहिले ब्याटिङ गरेको होबार्टले निर्धारित २० ओभरमा १९.४ ओभरमा अलआउट हुँदै १ सय ५० रन बनाएको थियो। उसका लागि डेविड मलानले सर्वाधिक ३९ रन बनाए। टिम डेविडले ३६ रनको योगदान दिँदा कोलिन इनग्रामले २४ रन बनाए।
ब्रेसबेनको बलिङमा मुजिब योर राशमानले एक्लैले ५ विकेट लिएका थिए। उनले ४ ओभरमा १५ रन मात्र खर्चिएका थिए। त्यस्तै, जेभिएर बार्टलेटले २ विकेट लिए।
