स्थानीय बजारमा आज पहेंलो धातुको मूल्य प्रतितोला ४ सय रुपैयाँले उकालो लागेको छ। छापावाला सुन प्रतितोला ९४ हजार ५ सय रुपैयाँमा कारोवार हुने गरी मूल्य निर्धारण भएको छ।
प्रतितोला ९४ हजार १ सय रुपैयाँमा बिहीबार कारोवार भएको छापावाला सुन आज भने तोलामा ४ सय रुपैयाँले उकालो लागेको नेपाल सुनचाँदी व्यवसायी महासंघले जनाएको छ। यस्तै तेजाबी सुन प्रतितोला ९४ हजार रुपैयाँमा कारोवार हुने गरी मूल्य निर्धारण भएको छ।
सो सुन बिहीबार तोलामा ९३ हजार ६ सय रुपैयाँमा कारोवार भएको थियो। चाँदीको मूल्य भने आज पनि स्थिर छ। चाँदी तोलामा एक हजार ३ सय रुपैयाँमा कारोवार भएको छ।
