पछिल्लो २४ घण्टामा देशभर थप ४ सय २१ जनामा कोरोना भाइरसको संक्रमण पुष्टि भएको छ। यससँगै कुल संक्रमितको संख्या २ लाख ६१ हजार ८ सय ५९ पुगेको छ।
देशभरको प्रयोगशालामा ५ हजार ८ सय नमुना परीक्षण गर्दा १७५ महिला र २४६ जना पुरुषमा संक्रमण पुष्टि भएको हो। स्वास्थ्य तथा जनसंख्या मन्त्रालयका अनुसार हाल कोरोनाका सक्रिय संक्रमितको संख्या २ लाख ६१ हजार ८ सय ५९ रहेको छ।
पछिल्लो २४ घण्टामा थप ७ सय ५० जना कोरोना संक्रमणमुक्त भएका छन्। योसँगै नेपालमा कोरोना संक्रमण भएर निको हुनेको संख्या २ लाख ५४ हजार ४ सय ९४ पुगेको छ।
त्यस्तै नेपालमा पछिल्लो २४ घण्टामा थप ८ जनाको कोरोना भाइरसको संक्रमणका कारण मृत्यु भएसँगै हालसम्म एक हजार ८ सय ७८ जनाले कोरोनाको कारण ज्यान गुमाएका छन्।
