नेपाल कम्युनिष्ट पार्टी (नेकपा) को प्रचण्ड-नेपाल समूहको स्थायी कमिटी बैठक शुरू भएको छ। अध्यक्ष पुष्पकमल दाहाल ‘प्रचण्ड’ भारत गएकाले अर्का अध्यक्ष माधवकुमार नेपालको अध्यक्षतामा पेरिसडाँडामा बैठक शुरु भएको हो।
पत्नी सीता दाहालको उपचारका लागि प्रचण्ड मुम्बई गएका छन्। बैठकमा आन्दोलनका कार्यक्रमको रणनीति तय गर्ने एजेण्डा छ। साथै एकता प्रक्रिया टुङ्गो लगाउने विषयमा छलफल गर्ने लगायतका एजेण्डा रहेको नेताहरुले बताएका छन्।
