भारतमा चार दाजुभाईले मिलेर छिमेकीको हत्या गरेका छन्। नवी मुम्बइका प्रसाद अदित्राओ कोली, योगेश अदित्राओ कोली, दत्ता र नागेशले मिलेर ३९ वर्षीय छिमेकी सोमनाथ कोलीको हत्या गरेका हुन्।
प्रहरीले उनीहरु चारै जनालाई पक्राउ गरेको छ। प्रसादकी श्रीमती र छिमेकी सोमनाथबीच प्रेम सम्बन्ध रहेको भन्दै उनीहरुले सोमनाथको हत्या गरेको अनुसन्धानबाट खुलेको छ।
गत डिसेम्बर २९ मा उनीहरुले सोमनाथलाई सिबिडि बेलपुरको बारबाट अपहरण गरेका थिए। भारतीय प्रहरीका अनुसार उनीहरुले सोमनाथलाई अटोमा हाली नजिकको एक खाडलमा लगेर ढुङ्गा प्रहार हत्या गरेका थिए।
