स्थानीय बजारमा आज पहेंलो धातुको मूल्यमा एक हजार १ सय रुपैयाँले वृद्धि भएको छ। छापावाला सुन आज प्रतितोला ९६ हजार ४ सय रुपैयाँमा कारोवार हुने गरी मूल्य निर्धारण गरिएको छ।
छापावाला सुन सोमबार प्रतितोला ९५ हजार ३ सय रुपैयाँमा कारोवार भएको थियो। यस्तै तेजाबी सुन आज प्रतितोला ९५ हजार ९ सय रुपैयाँमा कारोवार हुने गरी मूल्य निर्धारण भएको नेपाल सुनचाँदी व्यवसायी महासङ्घले जनाएको छ। सो सुन प्रतितोला ९४ हजार ८ सय रुपैयाँमा सोमबार कारोवार भएको थियो।
यस्तै चाँदी प्रतितोला १० रुपैयाँले वृद्धि भई प्रतितोला एक हजार ३ सय ३५ रुपैयाँमा कारोवार भएको छ। चाँदी प्रतितोला एक हजार ३ सय २५ रुपैयाँमा सोमबार कारोवार भएको थियो।
