स्थानीय बजारमा आज सुनको मूल्य प्रतितोला ३ सय रुपैयाँले उकालो लागेको छ। पछिल्ला दिनमा लगातार उकालो लागेको पहेंलो धातुको मूल्यमा आजको वृद्धिसँगै पुन:नयाँ उचाइमा पुगेको छ।
प्रतितोला ९६ हजार ४ सय रुपैयाँमा मङ्गलबार कारोवार भएको छापावाला सुन आज ३ सय रुपैयाँले वृद्धि भई ९६ हजार ७ सय रुपौँमा पुगेको छ।
यस्तै तेजाबी सुन मङ्गलबार प्रतितोला ९५ हजार ९ सय रुपैयाँमा कारोवार भएकामा आज ९६ हजार २ सय रुपैयाँमा कारोवार हुने गरी मूल्य निर्धारण भएको छ। यसैगरी चाँदीमा भने प्रतितोला पाँच रुपैयाँले उकालो लागेको छ।
प्रतितोला एक हजार ३ सय ३५ रुपैयाँमा मङ्गलबार कारोवार भएको चाँदी आज भने प्रतितोला एक हजार ३ सय ४० रुपैयाँ मूल्य निर्धारण भएको नेपाल सुन चाँदी व्यवसायी महासङ्घले जनाएको छ।
