पछिल्लो २४ घण्टामा देशभर थप ४ सय ९ जनामा कोरोना भाइरसको संक्रमण पुष्टि भएको छ। यससँगै कुल संक्रमितको संख्या २ लाख ६३ हजार १ सय ९३ पुगेको छ।
स्वास्थ्य तथा जनसंख्या मन्त्रालयका अनुसार हाल कोरोनाका सक्रिय संक्रमितको संख्या ५ हजार १३३ सय रहेको छ। पछिल्लो २४ घण्टामा थप ४ सय ९५ जना कोरोना संक्रमणमुक्त भएका छन्। योसँगै नेपालमा कोरोना संक्रमण भएर निको हुनेको संख्या २ लाख ५६ हजार १६१ पुगेको छ।
त्यस्तै नेपालमा पछिल्लो २४ घण्टामा थप ६ जनाको कोरोना भाइरसको संक्रमणका कारण मृत्यु भएसँगै हालसम्म एक हजार ८ सय ९९ जनाले कोरोनाको कारण ज्यान गुमाएका छन्।
