चर्चित गायक डम्बर नेपाली र दीपक लिम्बूको युगलस्वरमा ‘याः राक्मा हौ सोल्टिनी ज्यू’ को म्यूजिक भिडियो सार्वजनिक गरिएको छ।
कान्छा बाँजेको शब्द रहेको गीतको भिडियोमा मोडल एलिजा तुम्बाम्फेका साथमा गायक डम्बर नेपाली र दीपक लिम्बूले अभिनय गरेका छन्।
लिम्बू भाषामा याःराक्मा भनेको धान नाँच हो। युट्युबमार्फत् सार्वजनिक गरिएको भिडियोमा दीपकले आफ्नी सोल्टिनीलाई प्रेमपत्र दिन भनेर डम्बर आग्रह गर्छन्।
दीपकलाई हिम्मत हारेका बताउँदै गायक नेपालीले सोल्टी तपाई पत्र नदिने भने म लगिदिन्छु भन्छन्। प्रेम पत्र दिन जाँदा गायक नेपालीसँगै सोल्टनीको प्रेम बसेको र उनीहरूको मायाका क्षणहरू भिडियोमा उतारिको छ।
डम्बरले सोल्टिनीलाई बाइकमा भगाएर लैजाँदै गर्दा दीपकले बाटो छेकेर चिर्पट प्रहार गर्छन्। त्यसपछि के हुन्छ? भिडियोमा सबै पक्ष प्रस्तुत गरिएको छ।
दीपकले डम्बर नेपालीलाई सोल्टीज्यू भन्दै चिठ्ठीमै दिन जान्छु भनेर भिडियोको इन्डिङ गरिएको छ। रोमान्टिक भिडियो अनि नेपाली टिपिकल शब्दमा तयार पारिएको गीत भिडियोको रातोपुलस्थित रकहाउसमा एक समारोह गरी औपचारिक रुपमा सार्वजनिक गरिएको छ।
उपस्थित अतिथि तथा दर्शकदीर्घालाई प्रोजेक्टरमार्फत् भिडियो देखाइयो। भिडियोको सबैले प्रशंसा गरेका छन्। लिम्बू परिवेश र रहनसहनमा रहेको भिडियोको भूपेन्द्र तुम्बाहाम्फेले छायाङ्कन तथा किरण चाम्लिङ राईले निर्देशन गरेका हुन्।
