अष्ट्रेलियामा जारी बिग बास लिग (बीबीएल) क्रिकेटमा नेपाली लेग स्पिनर सन्दीप लामिछाने आबद्ध होबार्ट हुरिकेन्सले सिड्नी थन्डरकाे सामना गरिरेहकाे छ। खेलमा हुरिकेन्सले टस जितरे पहिले बलिङ गरेकाे छ।
सिड्नी थन्डरविरुद्ध सन्दीपले मध्यम बलिङ गरेका छन्। हुरिकेन्सबाट तेस्राे खेल खेलिरहेका सन्दीपले थन्डरविरुद्ध ४ ओभरमा २३ रन खचिँदै एक विकेट लिएका छन्। सन्दीपले थन्डरका कप्तान क्यालुम फेर्गुसनलाई १ रनमै आउट गराएका थिए।
व्यक्तिगत पहिलो ओभरमा ६ रन खर्चिएर विकेटबिहीन भएका सन्दीपले व्यक्तिगत दोस्रो ओभरमा ४ रन खर्चिएर १ विकेट लिएका थिए। तेस्राे ओभरमा ६ रन र चाैथाे ओभरमा ८ रन दिएका सन्दीपले थप विकेट लिन सकेनन्।
