नेपाली कांग्रेसका सभापति शेरबहादु देउवाले सर्वोच्चले चुनाव गराउने निर्णय गरे सबैले भाग लिने बताएका छन्। संसद् विघटनविरुद्ध कांग्रेसले गरेको विरोधसभालाई सम्बोधन गर्दै उनले कांग्रेसले पनि अदालतको निर्णय मान्ने बताएका हुन्।
संसद विघटन संविधान विरोधी र प्रजातन्त्र विरुद्धको कदम भएको बताउँदै सभापति देउवाले मुद्दा अदालतमा विचाराधिन रहेकाले जुलुस निकालेर यो गर, उ गर भन्न नहुने जानकारी दिए। देउवाले अदालतको निर्णय पर्खिनुपर्ने जानकारी दिँदै कांग्रेसले पनि अदालतको निर्णयको सम्मान गर्ने आशय व्यक्त गरे।
अदालतले मध्यावधिमा जाने ओलीको कदमलाई सदर गरे कांग्रेस चुनावमा जाने उनको भनाइ छ। सर्वोच्चभन्दा ठूलो अदालत जनता भएको र जनतामा जाँदा केहि नबिग्रिने देउवाले बताए।
संसद् विघटनलाई अदालतले सदर गरेपनि प्रधानमन्त्री केपी शर्मा ओलीले चुनाव गराउनेमा देउवनले आशंका व्यक्त गरे। ओली आफैं चुनावस् प्रचारमा लागेको भन्दै उनले अदालतले चुनाव गराउने निर्णय गरेमा प्रचण्डलगायत सबैले भाग लिने बताएका छन्।
