स्थानीय बजारमा आज सुनको मूल्यमा ठूलो अङ्कले ह्रास आएको छ। सुनको मूल्यमा प्रतितोला दुई हजार ३ सय रुपैयाँले ओरालो लागेको छ।
नेपाल सुनचाँदी व्यवसायी महासङ्घले आजका लागि तोकेको मूल्यअनुसार छापावाला सुन प्रतितोला ९३ हजार रुपैयाँ छ। प्रतितोला ९५ हजार ३ सय रुपैयाँमा शुक्रबार कारोवार भएको छापावाला सुन आज प्रतितोला दुई हजार ३ सय रुपैयाँले ओरालो लागेर ९३ हजार रुपैयाँ कायम भएको छ।
यस्तै तेजाबी सुन आजका लागि प्रतितोला ९२ हजार ५ सय रुपैयाँ तोकिएको छ। प्रतितोला ९४ हजार ८ सय रुपैयाँमा शुक्रबार कारोवार भएको थियो। तेजाबी सुन शुक्रबारका तुलनामा आज दुई हजार ३ सय रुपैयाँले ओरालो लागेको हो।
यस्तै चाँदीको मूल्य प्रतितोला एक हजार २ सय ७० रुपैयाँमा कारोवार हुने गरी मूल्य निर्धारण भएको छ। चाँदी प्रतितोला शुक्रबार एक हजार ३ सय ३० रुपैयाँमा कारोवार भएको थियो। चाँदी तोलामा ६० रुपैयाँले घटेको हो।
