पछिल्लो २४ घण्टामा देशभर थप ४ सय ८८ जनामा कोरोना भाइरसको संक्रमण पुष्टि भएको छ। यससँगै कुल संक्रमितको संख्या २ लाख ६५ हजार २६८ पुगेको छ।
स्वास्थ्य तथा जनसंख्या मन्त्रालयका अनुसार हाल कोरोनाका सक्रिय संक्रमितको संख्या ४ हजार ३७३ रहेको छ। पछिल्लो २४ घण्टामा थप ५ सय २७ जना कोरोना संक्रमणमुक्त भएका छन्। योसँगै नेपालमा कोरोना संक्रमण भएर निको हुनेको संख्या २ लाख ५८ हजार ९६८ पुगेको छ।
त्यस्तै नेपालमा पछिल्लो २४ घण्टामा थप १० जनाको कोरोना भाइरसको संक्रमणका कारण मृत्यु भएसँगै हालसम्म १ हजार ९२७ जनाले कोरोनाका कारण ज्यान गुमाएका छन्।
