नेपाल कम्युनिष्ट पार्टी (नेकपा) को प्रचण्ड–नेपाल समूहका अध्यक्ष पुष्पकमल दाहाल प्रचण्डले प्रधानमन्त्रीका कुर्सीका लागि केपी शर्मा ओलीले जबज अर्थात् जनताको बहुदलीय जनवाद नीति त्यातेको बताएका छन्। पोखरामा आयोजित प्रदेश स्तरीय कार्यकर्ता भेलामा प्रचण्डले जवज नीति परित्याग गर्ने माधवकुमार नेपाल नभएर प्रधानमन्त्री ओली भएको बताएका हुन्।
उनले भेलामा केपी शर्मा ओलीभन्दा माधवकुमार नेपाल हजार गुणा इमान्दार भएको बताए। प्रचण्डले कसैले भन्दैमा एकता नबिग्रने पनि बताए। उनले आफु माधवकुमार नेपालको पक्षमा र आफ्नो पक्षमा माधवकुमार नेपाल रहेको बताए। र आफूहरु जालझेल गर्नेको पक्षमा नरहेको पनि उनले थपे।
प्रचण्डले प्रधानमन्त्री ओलीले झुट बोल्ने गरेको बताए। माओवादी र एमाले एकीकरणमा वामदेव गौतमको महत्वपूर्ण भूमिका रहेको बताउँदै प्रचण्डले ओलीले पार्टी एकता पछि बसेको पहिलो स्थायी कमिटी बैठकबाटै घच्याकघुच्चुक गर्न थालेको बताए।
प्रचण्डले प्रधानमन्त्री ओलीले असंवैधानिक कदम चालेर कलंकको टीका लगाइसकेको आरोप लगाएका छन्।
