बागलुङमा ट्रयाक्टर दुर्घटना हुँदा चालकको मृत्यु भएको छ। मध्यपहाडी लोकमार्गमा अनियन्त्रित भएर ट्रयाक्टर सडकदेखि खस्दा चालकको मृत्यु भएको हाे।
ध.१ त ४७१२ नम्बरको खाली ट्रयाक्टर मङ्गलबार राति १० बजे बागलुङ नगरपालिका–३ बोक्सेगैह्रामा सडकदेखि १५० मिटर तल खसेको थियो।
घटनामा म्याग्दीको धौलागिरि गाउपालिका–७ मुना घर भएका २९ वर्षीय चालक केशबहादुर पुन मगरको घटनास्थलमै मृत्यु भएको जिल्ला प्रहरी कार्यालयका प्रहरी निरीक्षक विजय भण्डारीले बताए। घटनामा सहचालक सकुशल भेटिएका थिए।
