स्पेनिस सुपर कप अर्थात् सुपरकोपा दि स्पानाको पहिलाे सेमिफाइनल खेलमा बार्सिलोना र रियल सोसिडाडबीच प्रतिस्पर्धा हुँदैछ। खेल नेपाली समयअनुसार बुधबार राति १ः४५ बजे शुरु हुनेछ।
दुबै टोली एकअर्काविरुद्ध जीत निकाल्दै फाइनल पुग्ने दाउमा छन्। खेल स्पेनको अर्चेन्जल रंगशालामा हुनेछ। बुधबार रातिको खेल जित्ने टोलीले उपाधिका लागि दोस्रो सेमिफाइनल खेलको विजेतासँग भिड्नुपर्नेछ।
दोस्रो सेमिफाइनलमा बिहीबार राति रियल मड्रिड र एथ्लेटिक क्लबबीच महाभिडन्त हुनेछ। बार्सिलोनाले हालसम्म १३ पटक स्पेनिस लिगको उपाधि जितेको छ। रियल मड्रिड ११ पटक च्याम्पियन बनेको छ।
