स्पेनिस सुपर कप अर्थात सुपरकोपा दि स्पानाको दोस्रो सेमिफाइनल खेलमा रियल मड्रिड र एथ्लेटिक क्लब भिड्दैछन्। खेल नेपाली समयअनुसार बिहीबार राति १ः४५ बजे हुरु हुनेछ।
सेमिफाइनलमा एकअर्कालाई पन्छाउँदै दुबै टोली फाइनल पुग्ने लक्ष्यमा छन्। विजेता टोलीले उपाधिका लागि बार्सिलोनाको सामना गर्नुपर्नेछ। पहिलो सेमिफाइनल खेलमा बार्सिलोनाले रियल सोसिडाडलाई पराजित गरेको थियो।
बार्सिलोनाले सबैभन्दा धेरै १३ पटक स्पेनिस सुपर कपको उपाधि जितेको छ। रियल मड्रिडले ११ पटक उपाधि हात पारेको छ। एथ्लेटिक क्लब २ पटक च्याम्पियन बनेको छ।
