भारतको दक्षिणपश्चिमी राज्य कर्नाटकमा भएको सडक दुर्घटनामा परेर कम्तीमा ११ जना व्यक्तिको मृत्यु भएको छ। समाचारमा बताइएअनुसार मिनीबस र विपरीत दिशाबाट आएको एक ट्रकसँग एकआपसमा ठोक्किँदा सो दुर्घटना भएको थियो। दुर्घटनामा परी अन्य सात जना घाइते भएका छन्।
मृत्यु हुनेमा एक पुरूष चालकसहित दश जना महिला रहेको प्रहरीले जानकारी दिएको छ। दुर्घटनास्थल बैंगलुरुबाट ४ सय ३० किलोमीटर पर पर्दछ। प्रहरीले घाइते सबैलाई अस्पताल लगिएको बताएको छ।
प्रहरीका अनुसार सो दुर्घटनामा परेकामध्ये पाँच जना महिलाको अवस्था चिन्ताजनक रहेको छ। ती यात्रुहरु पारिवारिक कामका लागि गोवा जान लागेको प्रहरीले जानकारी दिएको छ।
