पछिल्लो २४ घण्टामा देशभर थप २ सय ४० जनामा कोरोना भाइरसको संक्रमण पुष्टि भएको छ। यससँगै कुल संक्रमितको संख्या २ लाख ६७ हजार ५६ पुगेको छ।
स्वास्थ्य तथा जनसंख्या मन्त्रालयका अनुसार हाल कोरोनाका सक्रिय संक्रमितको संख्या ४ हजार ५८ रहेको छ।
पछिल्लो २४ घण्टामा थप ४ सय ७७ जना कोरोना संक्रमणमुक्त भएका छन्। योसँगै नेपालमा कोरोना संक्रमण भएर निको हुनेको संख्या २ लाख ६१ हजार ४४ पुगेको छ।
त्यस्तै नेपालमा पछिल्लो २४ घण्टामा थप ६ जनाको कोरोना भाइरसबाट कारण मृत्यु भएसँगै हालसम्म १ हजार ९ सय ५४ जनाले कोरोनाका कारण ज्यान गुमाएका छन्।
