स्थानीय बजारमा पहेंलो धातुको मूल्य आज पनि ओरालो लागेको छ। तोलामा नै ७ सय रुपैयाँले ओरालो लागेर साताको पहिलो दिनको कारोवार शुरु भएको छ।
नेपाल सुनचाँदी व्यवसायी महासङ्घका अनुसार आज छापावाला सुन प्रतितोला ९१ हजार ८ सय रुपैयाँमा कारोवार भएको छ। छापावाला सुन शुक्रबार तोलामा ९२ हजार ५ सय रुपैयाँमा कारोवार भएको थियो। यस्तै तेजाबी सुन शुक्रबारका तुलनामा तोलामा नै ७ सय रुपैयाँले घटेको छ।
९२ हजार रुपैयाँमा शुक्रबार कारोवार भएको तेजाबी सुन आज तोलामा ९१ हजार ३ सय रुपैयाँमा कारोवार भएको छ।
यस्तै चाँदी तोलामा ३० रुपैयाँले घटेको छ। एक हजार २ सय ६० रुपैयाँ मा शुक्रबार कारोवारर भएको चाँदी आज भने एक हजार २ सय ३० रुपैयाँमा मूल्य निर्धारण भएको छ।
