लगातार ओरालो लाग्दै आएको सुनको मूल्यमा आज पनि झिनो ह्रास देखिएको छ। स्थानीय बजारका लागि तोकिएको मूल्यअनुसार आज छापावाला सुन तोलामा २ सय रुपैयाँले घटेको छ।
प्रतितोला ९१ हजार ८ सय रुपैयाँमा आइतबार कारोवार भएको छापावाला सुन आज भने तोलामा ९१ हजार ६ सय रुपैयाँमा कारोवार हुने गरी मूल्य निर्धारण भएको छ।
यस्तै तेजाबी सुन आइतबार तोलामा ९१ हजार ३ सय रुपैयाँमा कारोवार भएकामा आजका लागि भने ९१ हजार १ सय रुपैयाँमूल्य निर्धारण भएको नेपाल सुनचाँदी व्यवसायी महासङ्घले जनाएको छ। चाँदीको मूल्यमा भने कुनै परिवर्तन भएको छैन। चाँदी तोलामा एक हजार २ सय ३० रुपैयाँमा कारोवार हुनेछ।
