पछिल्लो २४ घण्टामा देशभर थप ३ सय ४८ जनामा कोरोना भाइरसको संक्रमण पुष्टि भएको छ। यससँगै कुल संक्रमितको संख्या २ लाख ६७ हजार ९ सय ९२ पुगेको छ।
.स्वास्थ्य तथा जनसंख्या मन्त्रालयका अनुसार हाल कोरोनाका सक्रिय संक्रमितको संख्या ३ हजार ७ सय ६४ रहेको छ।
पछिल्लो २४ घण्टामा थप ४ सय ४१ जना कोरोना संक्रमणमुक्त भएका छन्। योसँगै नेपालमा कोरोना संक्रमण भएर निको हुनेको संख्या २ लाख ६२ हजार २ सय ५९ पुगेको छ।
त्यस्तै नेपालमा पछिल्लो २४ घण्टामा थप ४ जनाको कोरोना भाइरसबाट मृत्यु भएसँगै हालसम्म १ हजार ९ सय ६९ जनाले कोरोनाका कारण ज्यान गुमाएका छन्।
