पछिल्लो २४ घण्टामा देशभर थप ३ सय १८ जनामा कोरोना भाइरसको संक्रमण पुष्टि भएको छ। यससँगै कुल संक्रमितको संख्या २ लाख ६८ हजार ३ सय १० पुगेको छ।
स्वास्थ्य तथा जनसंख्या मन्त्रालयका अनुसार हाल कोरोनाका सक्रिय संक्रमितको संख्या ३ हजार ६ सय ९३ रहेको छ।
पछिल्लो २४ घण्टामा थप ३ सय ८३ जना कोरोना संक्रमणमुक्त भएका छन्। योसँगै नेपालमा कोरोना संक्रमण भएर निको हुनेको संख्या २ लाख ६२ हजार ६ सय ४२ पुगेको छ।
त्यस्तै नेपालमा पछिल्लो २४ घण्टामा थप ६ जनाको कोरोना भाइरसबाट मृत्यु भएसँगै हालसम्म एक हजार ९ सय ७५ जनाले कोरोनाका कारण ज्यान गुमाएका छन्।
