स्थानीय बजारमा पहेँलो धातुको मूल्यमा आज पनि वृद्धि भएको छ। नेपाल सुन चाँदी व्यवसायी महासंघले आजका लागि तोकेको मूल्यअनुसार छापावाल सुन तोलामा नै ६ सय रुपैयाँले उकालो लागेको छ।
प्रतितोला ९२ हजार ५ सय रुपैयाँमा बुधबार कारोवार भएको छापावाल सुन आज भने ९३ हजार १ सय रुपैयाँमा कारोवार हुने गरी मूल्य निर्धारण भएको छ।
यस्तै तेजाबी सुन प्रतितोला ९२ हजार ६ सय रुपैयाँमा कारोवार भएको छ। तेजाबी सुन बुधबार तोलामा ९२ हजार रुपैयाँमा कारोवार भएको थियो। यस्तै चाँदी तोलामा १५ रुपैयाँले बढेको छ। एक हजार २ सय ६० रुपैयाँमा बुधबार कारोवार भएको चाँदी आज भने एक हजार २ सय ७५ रुपैयाँ मूल्य निर्धारण भएको छ।
