इन्डियन प्रिमियर लिग (आइपीएल) टिम दिल्ली क्यापिटल्सले नेपाली लेग स्पिनर सन्दीप लामिछानेलाई रिलिज गरेको छ। यससँगै सन्दीपले आगामी सिजन कुन टिमबाट आइपीएल खेल्नेछन् भन्ने चासो बढेको छ।
३ सिजन दिल्लीको टिममा रहेका सन्दीपले आइपीएल २०२१ मा मुम्बई इन्डियन्सबाट खेल्ने सम्भावना बढेको छ। आफ्ना ७ खेलाडी रिलिज गरेको मुम्बईलाई टिममा लेग स्पिनरको आवश्यकता छ।
मुम्बईले हालै मात्र लेग स्पिनर प्रिन्स बलवन्त राइलाई रिलिज गरेको थियो। त्यसकारण सन्दीप मुम्बईको लागि उपयुक्त विकल्प भएको बताइएको छ।
भारतीय सञ्चारमाध्यमका अनुसार मुम्बई सन्दीपलाई आफ्नो टिममा लिन इच्छुक देखिएको छ। नेपाली स्पिनर लामिछानेलाई टिममा लिँदै मुम्बई राहुल चाहर र क्रुनाल पाढ्डयासहितको बलियो बलिङ टिम तयार गर्ने सोचमा छ।मुम्बईले राेहित शर्मा, इशान किसान, जसप्रति बुम्राहलगायत खेलाडी रिटेन गरेकाे छ।
थप :
सिड्नी सिक्सरविरुद्ध होबार्टलाई जिताउन यसकारण नायक बने सन्दीप
