पाकिस्तानमा ‘टिकटक’ बनाउनको लागि रेलमार्गमा हिडिरहेका युवाको रेलको ठक्करबाट मृत्यु भएको छ। शुक्रबार टिकटक भिडियो बनाउने क्रममा १८ बर्षीय हमजा नाभेदको मृत्यु भएको हो।
पाकिस्तानको राजधानी शहर इस्लामाबादनजिकै शाह खालिदको छिमेकमा पर्ने रावलपिंडी शहरमा शुक्रबार सो दुर्घटना भएको हो।
रेलमार्गमा टिकटकको अभिनय गर्न व्यस्त १८ बर्षीय हमजा नाभेदको उनको साथीले टिकटक भिडियो बनाउँदै गरेको अवस्था रेलको ठक्करबाट मृत्यु भएको हो।
उद्धारकर्ताहरुले नाभेदलाई उद्धार गर्दा नै उनको मृत्यु भइसकेको स्थानीय उद्धार एजेन्सीका प्रवक्ता राजा रफाकात जमानले एएफपी समाचार समितिलाई जानकारी दिएका छन्।
