पछिल्लो २४ घण्टामा देशभर थप २ सय ७० जनामा कोरोना भाइरसको संक्रमण पुष्टि भएको छ। यससँगै कुल संक्रमितको संख्या २ लाख ६९ हजार ४५० पुगेको छ। स्वास्थ्य तथा जनसंख्या मन्त्रालयका अनुसार हालसम्म कोरोनाका सक्रिय संक्रमितको संख्या ३ हजार ३१२ रहेको छ।
पछिल्लो २४ घण्टामा थप ४ सय ३ जना कोरोना संक्रमणमुक्त भएका छन्। योसँगै नेपालमा कोरोना संक्रमण भएर निको हुनेको संख्या २ लाख ६४ हजार १३७ पुगेको छ।
त्यस्तै नेपालमा पछिल्लो २४ घण्टामा थप ७ जनाको कोरोना भाइरसबाट मृत्यु भएसँगै हालसम्म २ हजार १ जनाले कोरोनाका कारण ज्यान गुमाएका छन्।
