पछिल्लो २४ घण्टामा देशभर थप ३ सय ३९ जनामा कोरोना भाइरसको संक्रमण पुष्टि भएको छ। यससँगै कुल संक्रमितको संख्या दुई लाख ६९ हजार ७ सय ८९ पुगेको छ।
स्वास्थ्य तथा जनसंख्या मन्त्रालयका अनुसार हालसम्म कोरोनाका सक्रिय संक्रमितको संख्या ३ हजार २ सय ४० रहेको छ।
पछिल्लो २४ घण्टामा थप ४ सय १ जना कोरोना संक्रमणमुक्त भएका छन्। योसँगै नेपालमा कोरोना संक्रमण भएर निको हुनेको संख्या दुई लाख ६४ हजार ५ सय ३८ पुगेको छ।
त्यस्तै नेपालमा पछिल्लो २४ घण्टामा थप १० जनाको कोरोना भाइरसबाट मृत्यु भएसँगै हालसम्म दुई हजार ११ जनाले कोरोनाका कारण ज्यान गुमाएका छन्।
