हरेक दिन नयाँ–नयाँ रकर्ड कायम गर्दै अगाडि बढेको धितोपत्र बजारमा शेयर कारोवार मापक नेप्से परिसूचक आज पनि दोहोरो अङ्कले उकालो लागेको छ।
नेपाल स्टक एक्सचेञ्जका अनुसार आज नेप्सेमा १६.०४ बिन्दुले उकालो लागेर दुई हजार ४४०.९७ मा पुगेको छ। नेप्से उकालो लागे पनि ठूला कम्पनीको शेयर कारोबार मापन गर्ने सेन्सेटिभ परिसूचक भने ओरालो लागेको छ। कुल ०.२४ बिन्दुले ओरालो लागेर सेन्सेटिभ परिसूचक ४५१.८२ मा सिमित भएको छ।
नेप्से उकालो लाग्दा कारोवार रकममा समेत उभार आएको छ। कुल २०८ कम्पनीका एक करोड ९२ लाख ८५ हजार ५ सय ४ कित्ता शेयर आठ अर्ब ९० करोड ३५ लाख ३८ हजार ७३१ रुपैयाँ मूल्यमा खरिदबिक्री भए। नेप्से र कारोवार रकम उकालो लाग्दा बजार पूँजीकरणसमेत नयाँ उचाइमा पुगेको छ। आजको कारोबारपछि कुल ३२ खर्ब ८७ अर्ब ८२ करोड ३२ लाख ३० हजार रुपैयाँ बराबरको बजार पूँजीकरण पुगेको छ।
आज कारोबार भएका कुल १२ उपसमूहमध्ये सात उपसमूहको शेयर ओरालो लागेको छ भने पाँच उपसमूहको शेयर उकालो लागेको छ। बैंकिङ २४.२२, व्यापार ९०.७७, निर्जीवन बीमा ७९.३४, अन्य ३१.६, सामूहिक लगानी कोष ०.०५ ले उकालो लाग्दा होटल २४.०७, विकास बैंक २०.७७, जलविद्युत् ३.५६, वित्त ६.७८, उत्पादन ४९.६ र जीवन बीमा ८८.५८ बिन्दुले ओरालो लागेको छ।
कारोबारका आधारमा नेपाल लाइफ इन्स्योरेन्स कम्पनी शीर्ष स्थानमा रहेको छ। सो कम्पनीको ६० करोड ३७ लाख ४० हजार ७ सय १९ रुपैयाँ बराबरको कारोबार भयो । यसैगरी नबिल बैंक ३३ करोड १७ लाख तीन हजार ५ सय ७९ रुपैयाँ, एनसीसि बैंक ३१ करोड ३५ लाख ६१ हजार ९ सय ७१ रुपैयाँ, एनआइसी एशिया बैंक २९ करोड ७६ लाख ४१ हजार ५ सय ३३ रुपैयाँ, नेपाल बैंक लिमिटेड २८ करोड ६० लाख ८९ हजार ७ सय ४६ रुपैयाँ, नेपाल पुनरबीमा कम्पनी २३ करोड सात लाख ५० हजार २ सय ८५ रुपैयाँ, कुमारी बैंक २२ करोड ४३ लाख ९१ हजार ५४ रुपैयाँ, शिखर इन्स्योरेन्स कम्पनी १९ करोड ४२ लाख ५४ हजार ७ सय ३१ रुपैयाँ र नेशनल लाइफ इन्स्योरेन्स कम्पनीको १७ करोड ५५ लाख तीन हजार ६ सय ७३ रुपैयाँ बराबरको कारोबार भई शीर्ष स्थानमा रहे।
कारोबार भएका कम्पनीमध्ये ६२ कम्पनीको शेयर उकालो लाग्दा १०७ कम्पनीको ओरालो लाग्यो भने पाँच कम्पनीको कुनै परिवर्तन भएन। कारोबारका आधारमा आज नागरिक लगानी कोषको शेयरमा सकारात्मक सर्किट लाग्यो। सो कम्पनीका शेयरधनीले १० प्रतिशतले कमाए। गुराँस लघुवित्त ९.९५, प्रभु लाइफ इन्स्योरेन्स ९.८७, माउण्टेन इनर्जी ९.८१, नेशनल हाइड्रो पावर ९.४०, हिमालयन पावर पार्टनर ९.३८, गुर्खाज फाइनान्स ८.९६, राष्ट्रिय बीमा कम्पनी ७.८१ र एनआरएन इन्फास्चरका लगानीकर्ताले ७.५९ प्रतिशतले कमाए।
यसैगरी श्री इन्भेस्टमेन्ट फाइनान्स ६.९८, सिन्धु विकास बैंक ५.४७, प्रागेसिभ फाइनान्स ५.४१, गरिमा विकास बैंक ५.०४, नेपाल फाइनान्स ४.८१, सामुदायिक लघुवित्त ४.५५, सपोर्ट माइक्रोफाइनान्स ४.४३, सबैको लघुवित्त ४.३९ र वेस्ट फाइनान्सका लगानीकर्ताले ३.८९ प्रतिशतले गमुाए ।
