स्थानीय बजारमा आज पहेंलो धातुको मूल्यमा सामान्य वृद्धि भएको छ। छापावाला सुन तोलामा ४ सय रुपैयाँले वृद्धि भई ९२ हजार ८ सय रुपैयाँ पुगेको छ। छापावाल सुन सोमबार तोलामा ९२ हजार ४ सय रुपैयाँमा कारोवार भएको थियो।
यस्तै तेजाबी सुन तोलामा ४ सय रुपैयाँले उकालो लागेको नेपाल सुनचाँदी व्यवसायी महासङ्घले जनाएको छ। तोलामा ९१ हजार ९ सय रुपैयाँमा सोमबार कारोवार भएको तेजाबी सुन आज भने तोलामा ९२ हजार ३ सय रुपैयाँमा कारोवार हुने गरी मूल्य निर्धारण भएको छ।
चाँदीको मूल्य भने तोलामा पाँच रुपैयाँले घटेको छ। तोलामा एक हजार २ सय ६० रुपैयाँमा सोमबार कारोवार भएको चाँदी आज भने एक हजार २ सय ५५ रुपैयाँ मूल्य निर्धारण भएको छ।
