चितवनका पुराना वामपन्थी नेता खम्बसिंह कुँवर (काजी बा)को निधन भएको छ। लामो समयदेखि बिरामी रहेका कुँवरको मंगलबार बिहान भरतपुर अस्पतालमा निधन भएको हो।
प्रोस्टेटको समस्या झेल्दै आएका कुँवरको ९५ वर्षको उमेरमा निधन भएको हो। पछिल्लो समयमा निमोनियासमेत भएपछि उनलाई एक हप्ताअघि भरतपुर अस्पतालमा भर्ना गरिएको थियो।
२०११ सालदेखि कम्युनिष्ट पार्टीमा लागेका कुँवरले २०२२ सालदेखि आफ्नै नेतृत्वमा चितवनबाट प्रगतिशिल पार्टीको सुरुवात गरेका थिए। पछिल्लो समय उनी नेकपाको केन्द्रीय सल्लाहाकारसमेत थिए।
कुँवरको अन्तिम संस्कारमा सहभागी हुन नेपाल कम्युनिष्ट पार्टी (नेकपा) को प्रचण्ड–नेपाल समूहका अध्यक्ष पुष्पकमल दाहाल प्रचण्ड चितवन आउने कार्यक्रम छ। प्रचण्डले उनलाई राजनीतिक गुरु मान्दै आएका छन्।
