पछिल्लो २४ घण्टामा देशभर थप ३ सय ३ जनामा कोरोना भाइरसको संक्रमण पुष्टि भएको छ। यससँगै कुल संक्रमितको संख्या २ लाख ७० हजार ९२ पुगेको छ।
स्वास्थ्य तथा जनसंख्या मन्त्रालयका अनुसार हालसम्म कोरोनाका सक्रिय संक्रमितको संख्या ३ हजार २५२ रहेको छ। पछिल्लो २४ घण्टामा थप २ सय ८५ जना कोरोना संक्रमणमुक्त भएका छन्। योसँगै नेपालमा कोरोना संक्रमण भएर निको हुनेको संख्या २ लाख ६४ हजार ८२३ पुगेको छ।
त्यस्तै नेपालमा पछिल्लो २४ घण्टामा थप ६ जनाको कोरोना भाइरसबाट मृत्यु भएसँगै हालसम्म २ हजार १७ जनाले कोरोनाका कारण ज्यान गुमाएका छन्।
