पछिल्लो २४ घण्टामा देशभर थप १ सय ५७ जनामा कोरोना भाइरसको संक्रमण पुष्टि भएको छ। यससँगै कुल संक्रमितको संख्या २ लाख ७० हजार ७४५ पुगेको छ।
स्वास्थ्य तथा जनसंख्या मन्त्रालयका अनुसार हालसम्म कोरोनाका सक्रिय संक्रमितको संख्या ३ हजार२२ रहेको छ।
पछिल्लो २४ घण्टामा थप २ सय ३३ जना कोरोना संक्रमणमुक्त भएका छन्। योसँगै नेपालमा कोरोना संक्रमण भएर निको हुनेको संख्या २ लाख ६५ हजार ६९८ पुगेको छ।
त्यस्तै नेपालमा पछिल्लो २४ घण्टामा थप ५ जनाको कोरोना भाइरसबाट मृत्यु भएसँगै हालसम्म २ हजार २५ जनाले कोरोनाका कारण ज्यान गुमाएका छन्।
